Kultura Plazara Ekimenaren Hasiera
Tolosako kaleetan kulturaz gozatzeko aukera izango da udan. Udalak zazpigarren aldiz antolatutako Kultura Plazara ekimena uztailaren 12tik irailaren 26ra egingo da. Ekintzen artean antzerkia, dantza eta musika egongo dira, herriko leku desberdinetan, baita landa-auzoetan ere.
Uztailaren 12an izango da lehen emanaldia, Larramendiko plazan, 19:00etan, Eraitsi SL kale-antzerkia izango delarik. Uztailaren egitaraua Bea Larrañagaren klown ikuskizunekin, Tolosako Udal Musika Bandaren emanaldiak, eta Zuhamu dantza bertikalekin osatuko da.
Abuztuaren 10ean, Ignacio Arakistain eta Hodeiertz abesbatza Donostiako Musika Hamabostaldiko egitarauarekin arituko dira. Abuztuaren 11n Plaza Zaharrean 1936ko liburuen erreketa gogoratzeko irakurketa egingo da. Abuztuaren 29an, Petti & Etxeko Uzta izango da Aldaban.
Irailaren 11n eta 12an, Zumardiaundian jaialdin handiena ospatuko da, IOI, Haatik eta Jone San Martinen dantza emanaldiak, eta Mugan taldearen zein Bele Lide Hernandoren kontzertuak egongo dira. Tolosaldeko Sortzaileen Azokak irailaren 12an 11:00etatik aurrera, eskualdeko artisauak ezagutzeko aukera emango du.
Gainera, lan-da auzoetako ekintzetarako doako autobus-zerbitzua egongo da, aldez aurretik izena emanda.
Ekimenera buruzko informazio gehiago www.kulturaplazara.eus webgunean aurki dezakezu.