Trafiko aldaketak Sanjoanekin lotutako ekintzen ondorioz
Asteburuan, Tolosan Sanjoan festak ospatuko dira eta horien ondorioz trafiko aldaketa batzuk izango dira. Larunbatean, ekainaren 13an, ezingo da aparkatu San Frantzisko pasealekuaren lehen erdian, elizatik Gernikako Arbola lorategietaraino. Bertan, 3×3 saskibaloi-txapelketa egingo da, horregatik 15:00etan zirkulazioa moztuko da. Txapelketaren iraupenaren bitartean, Soldadu eta Rondilla kaleetatik datorren trafikoa Zumalakarregi pasealekutik bideratuko da, eta pasealeku horretan, beraz, ezin izango da aparkatu. Gainera, Zumalakarregi paselekuak norazko bakarra izango du, Trianguloa plazatik Zubiberri aldera bakarrik. Autoen irteera bakarra garajeetara izango da baimenduta.
Autobus zerbitzua ere eragingo dute trafiko mozketa hauek. 14:00etatik aurrera, Rondilla kaleko eta San Frantzisko elizako atariko autobus geltokiak bertan behera geratuko dira eta autobusak Santa Klara kalean geldituko dira. Hiribusa izango da salbuespen, Rondilla kaletik igaroko da.
Igandean, T3T eta T2T lasterketak izango dira, eta hauek irteera eta iristean motzaldietako trafikoz mozketa laburrak egongo dira.
Obrak trenbidean
Astelehenean, hilaren 15ean, zaraten aurkako babes akustikoak jartzen hasiko dira ADIF trenbidearen inguruan. Bi aste inguruko obrak izango dira, gauez, San Estebango anbulatorioaren inguruan, tren geltokiaren alboan. Obra hauek eragina izango dute Batxiller Zaldibia, San Joan, San Esteban eta Alliri kaleetan.
